Naglab-ot na sa 1.815 million metric tons ang sugar production sang pungsod karon nga tuig.
Ginapaabot ni Sugar Regulatory Administrator Pablo Luis Azcona nga posible magsaka pa ini sa 5 percent kun ikumparar sa estimated 1.782 million metric tons sa sini nga crop year.
Ginsiling ni Azcona nga manubo ang ila projected total production tuga sang epekto sang El Nino sa tubo.
Pero nangin dako nga bulig para sa iya ang research and development para sa bag-o nga sugarcane varieties kag pagkambyo sang cropping calendar.
Dugang diri ang alalangay nga farm gate prices nga naka-engganyo sa mga sugar farmer nga magtanom sa pihak sang pag panghangkat nga dala sang mainit nga panahon.
Sa record sang SRA, ang Visayas nalakip diri ang Negros Island Region ang may 71 percent nga total production nga ginsundan sang Mindanao nga may 24 percent sugar production kag Luzon nga yara sa 5 percent sugar production.
Nauna na nga nagsira ang URC La Carlota Sugar Mill kag Binalbagan – Isabela Sugar Company ukon BISCOM.
Sa madasun nga semana natalana nga magsira ang galing sa URC SONEDCO sa Kabankalan.