Sa evacuation center na nagpamalandong ang napulo ka mga pamilya nga ginsaylo gikan sa Purok San Jose sa Baragay Alijis tuga sang nagluntad nga landslide sang nagligad nga Abril 11.
Ang panid sang mga karton kag plywood ang naga serbe nila nga tululugan sa Emilia j Garcia Elementary School.
Suno sa iloy nga si Rosemarie Buyco,mabudlay ang ila sitwasyon ilabi na nga nagamalasakit na ang iya mga apo.
Suno kay Dr. Ana Marie Laarni Pornan, ang Bacolod Housing Authority kag barangay ang magatinguha agud mapangitaan gilayon sang relocation area ang dose ka mga pamilya.
Sa pagsinapol sang DRRMO upod sa katapo sang City Engineers Office,nakasugtan nga indi na pahanugutan ang pagbalik sang lima sa napulo ka mga pamilya sa lugar tuga sang peligro sa natiphag nga duta sa kilid sang pangpang.
Handa naman nga pangitaan sang eskwelahan sang masayluhan nga classroom ang mga evacuees. Ini bangud sa mayo gamiton ang ang ginatiniran nila karon nga classroom bilang isa sa mga polling centers.
Ang katapo sang DSSD nga amo ang nagahanda sang pagkaon kag nagatatap sa mga evacuee ang magapabilin man sa evac center.