Lima ka mga voters application sa Comelec-Bacolod ang gin-disapprove sang Election Registration Board.
Sa masobra 302,000 ka mga voter applicants nga nabaton sang Comelec-Bacolod as of July 2021, may lima diri ang na disapprove paagi sa ERB hearing.
Suno kay Atty. Kathrina Trinio-Cana, kalabanan sa mga voter applicants ang nagfile sang voter’s transfer of registration halin sa isa ka barangay sa Bacolod saylo sa lain nga barangay.
May ara man sang na-disapprove nga new voter applicants nga naga-renta sang puluy-an sa Barangay Mansilingan nga may balay sa banwa sang Murcia.
Samtang, ang katapo sang ERB ang maga-deliberate man para sa nabilin nga 35 ka voter applicants nga may opposition.
Kabahin sila sang masobra sa 20 mil ka voter applicants nga nagfile sumugod hulyo kag Setyembre nga voters registration sang Comelec-Bacolod.