Lima ka mga Banwa kag siudad sa Negros Occidental ang nag-report sang ash fall.
Ini kasunod sang pag buga sang abo sang bulkan Kanlaon kaina sang kaagahon.
Sa report sang Philippine Institute of Volcanology and Seismology, may ash fall nga gin-report sa Brgy Ara-al, Yubo, San Miguel, Haguimit, La Granja, RSB, Nagasi, Cubay kag Balabag sa La Carlota City.
Sa Bago City naman may ash fall sa Brgy Mailum kag Ilijan kag Binubuan. May sulfuric smell man.
Suno sa Provincial Disaster Risk Reduction Management Office may ash fall nga gin report sa Brgy Antipolo, Mabini, Gomez, Poblacion 1, 2 kag 3, kag Zamora sa Pontevedra.
May reported ash fall man sa La Castellana suno sa PDRRMO.
Mga netizens ang nag post man sang ash fall sa Hinigaran.
12:50 am sang Biyernes nag buga sang abo ang Kanlaon kag naglawig ini sang 17 ka minutos. 300 metros ang kataason saang plume gikan sa crater sang bulkan.*
[sibwp_form id=1]