Nakilal-an na ang lima ka mga gin-alegar miyembro sang New People’s Army nga napatay sa sunod-sunod nga engkwentro sa Barangay Man-uling, Abaca kag Poblacion sa banwa sang Cauayan, Negros Occidental sadtong Sabado, Mayo 16.
Ginkilala sang Philippine Army ang mga napatay nga sanday:
Jobert Casipong nga kilala sa mga alyas nga “John,” “Ruby,” kag “Ramram”; Gilbert Tingson ukon kilala sa alyas nga “Ryan” kag “Kolintong”; kag Rolando Dantes Jr. nga kilala sa alyas nga “Mistah,” “Ana,” “Anyo,” “Arnel,” kag “Roman”, tanan residente sang Sipalay City.
Ang duha ka iban pa nga napatay amo sanday Alex Chavez Languita, alyas “Axel”, taga Santa Catalina sa Negros Oriental; kag Francis Vince Dingding, taga Cebu City kag isa ka political instructor.
Tanan nga mga napatay, suno sa militar, ang miyermbro sang Southwest Front, Komiteng Rehiyon-Negros, samtang si Dantes amo ang commanding officer.
Ginatudlo sang Army nga ang mga napatay nga rebelde amo ang sa likod sang pagpatay sa 26 ka mga sibilyan sa Negros Island humalin tuig 2025.
Matapos ang nagluntad nga mga engkwentro sa tunga sang 15th Infantry Battalion kag NPA mga las 6 sang aga, las 7 sang aga kag pasado las 5 sang hapon, masobra 70 ka mga pamilya halin sa Barangay Man-uling, Abaca kag Poblacion ang nagbakwit pakadto sa evacuation centers.
Suno sa report sang 302nd Infantry Brigade, narekober sang Army sa encounter site ang M-14 rifle, isa ka M60 machine gun, lima ka M-16 rifles, isa ka M203 grenade launcher, isa ka granada, kag apat ka mga backpacks nga may mga personal nga butang.
Samtang, gina pakamalaut ni Cauayan Mayor John Rey Tabujara ang kalakasan kag kinagamo nga tuga sang NPA sa ila banwa.*
[sibwp_form id=1]