Lima ka mga banwa kag siudad sa Negros Occidental nga yara sa Red Zone sandig sa African Swine Fever Zoning ang naga hikot sang ila nga mga dokument agudto ma upgrade na sila sa pink zone.
Suno kay Dr Placeda Lemana, ang Provincial Veterinarian, tigayon na nga nag negative sa ASF ang mga blood samples nga nakuha gikan sa mga siudad sang Kabankalan, San Carlos, Escalante, Victorias kag banwa sang La Castellana.
Ang kinahanglan na lamang amo ang pag process nila sang mga required nga dokumento.
Sa walo ka mga banwa kag siudad sa probinsya nga may mga positibo nga kaso sang ASF sang nagligad, tatlo diri ang na upgrade na sa Pink Zone kag ini ang naga lakip sang Pulupandan, Silay City kag Hinigaran.
Paathag ni Lemana, tigayon naman ma upgrade sa Pink kun makabutang na mismo ang Department of Agriculture sang ila nga sentinel nga baboy sa mga yadtong gin-report nga mga hog farmers nga ang mga baboy nag ASF positive. Ang siudad sang Sagay nga damlag pa gin-report yara sa pink zone ang na-upgrade na sa yellow zone.
Nag classifiy nga pink zone ang Sagay bangud nga malapit ini sa mga lugar nga red zone ukon may mga ASF positive cases.
“Naga assist kita sa tanan nga LGUs nga nag red nga ma process naton kay halos tanan sila nakuhaan na naton laboratory samples, blood samples. So it turned out negative naman, clear naman. Ang gina process naton ang documents”, suno kay Lemana.