5 ka mga empleyado issuehan sang show cause order angut sa mga salakyan sang siudad nga ila gin-alegar ginkawat.
Ginklaro ni City Administrator Pacifico Maghari, III, nga sa gwa na sang Bacolod City Government Center natabo ang gin-alegar pag-kawat sang mga salakyan sandig sa sabat sang lima ka mga empleyado nga na-issuehan sang notice to explain may angut sa missing nga salakyan.
Ang lima ka mga empleyado nga na-assign sa separado nga mga departamento ang gina-usisa na sang City Legal Office. Suno kay Mayor Albee Benitez maga-issue man sang show cause order
ang city legal office batuk sa ila sa pagpati nga may dapat sila nga salabton sa nadula nga salakyan. Ini man ang bag-o lamang nila gin-report makaligad ang final inventory sang mga salakyan sang siudad nga ginmandu sang alkalde.
May kwarenta pa ka empleyado nga na-issuehan man sang notice to explain sang City Administrator’s office. Ang mga salakyan nga naka-memorandum receipt sa ila ang guba na kag indi na mapuslan. Samtang ang iban ang paga-usisaon pa sang siudad.