5-day transport strike ginaplano sang katapo sang traditional jeepney organization.
Sa Nobyembre 29 asta 30 magapatuman sang rally-protesta ang katapo sang traditional jeepney organization nga pangunahan sang katapo sang Bacolod Alliance of Commuters, Operators and Drivers kag Kabacod Negros Transport Coalition ukon KNETCO.
Ginpahayag ni Bacod President Rudy Catedral nga iga-assess nila ang mangin resulta sang 2-day protest antes sang ginapaabot nga 5-day transport strike nga magasugod Disyembre 1 asta 5.
Dugang ni Catedral nga handa ang masobra isa ka libo nila nga mga miembro nga mag sakripisyo sa sulod sang kapin isa ka semana para sa lifetime nga kahigayunan nga makabyahe ang ila mga salakyan.
Panawagan sang grupo nga ma-renew liwat ang prangkisa sang ila mga jeep nga sang Abirl pa nakabig nga colorum.
Kabahin sa ila ginahinyo ang pagpatuman sang moratorium nga ila ginapatihan sarang mapatigayunan ni Mayor Albee Benitez sa pamunuan sang Land Transportation Franchising and Regulatory Board.