Arestado ang 21 anyos nga high value individual nga si Herfrance Tuhao, matapos makuhaan sang masobra 400,000 pesos nga balor sang iligal nga droga sa buy-bust operation kagab-i sa Barangay Palampas sa San Carlos City.
Dakop man sa buy-bust ang isa ka menor de edad nga babayi nga nobya ni Tuhao suno sa PNP.
Nakuha kay Tuhao ang 18 ka sachet sang suspected shabu nga naga balor sa 432,000 pesos.
Detained siya sa San Carlos PNP samtang gindala naman sa DSWD ang iya nobya.
Tatlo ka persona naman ang gindakop sa buybust operation kahapon sa Barangay 6 siyudad sang Victorias.
Arestado ang 18 anyos nga si Daniel Isuga kag iya mga upod nga sanday Jerry Magallanes kag Loremae Combate.
16 ka sachet sang ginapatihan shabu ang nakuha sa ila.
Ini ginabulubanta nagabalor sa 136,000 pesos.
Kaso nga pag lapas sa RA9165 ang ipaska batuk sa mga gindakop.