Patay ang lima ka tuig nga bata nga lalaki matapos maupod sunog sa kampo sa Upper Mambato, Brgy. To-oy sa Himamaylan City sang Martes.
Suno sa kay Fire Officer 1 Michael Bernardo ang fire investigator sang Bureau of Fire Protection – Himamaylan City, nag upod ang bata sa iya nga amay sa kampo kag nangtapas sang tubo.
Suno sa BFP posible nga ginkuha sang biktima ang lighter kag ginsindihan ang mga laya nga dahon.
Nakibot na lang ang amay sang biktima nga nagdaba-daba na ang kalayo kag gilayon nga ginpangita sang amay ang iya nga bata kay nagdako na ang kalayo.
Nagakasunog na ang bata sang makita sang amay.
Ginhingagaw pa ini dala sa ospital apang napatay bangud sang 2nd degree burns. Ginausisa pa sang BFP kun paano nagsugod ang kalayo.