Sa CCTV video ni Marlon Lausa makita ang hinali nga pag uyog sang palibot kahapon. Pati ang naga lakat sa dalan nakibot.
Gintay-og ang Hinoba-an sang 5.2 magnitude nga linog las 3:37 sang Martes sang hapon.
Suno kay Hinoba-an Mayor Daph Anthony Reliquias, ang glass door nga nabuka ang natabo sa eskwelahan sakop sang Barangay Culipapa.
Samtang ang kisame naman nga nadagdag ang gikan sa bahin sang munisipyo.
Wala naman sang may na record nga casualty ukon nasamaran sa nagluntad nga linog.
Dugang pa sang alkalde nga nagpadayun sa gihapon ang klase kag opisina sa banwa sang Hinoba-an subong nga adlaw samtang naka-alerto sa gihapon ang MDRRMO sang banwa.