Nag negatibo sa pag-usar sang iligal nga droga ang 48 ka mga BJMP personnel sang Metro Bacolod District Jail, sa sulod sang compound sang Bacolod City Police Office matapos ginpaidalum sa surprise drug test sang Lunes.
Suno kay Jail Chief Insp. Ian Karl Niaga, District Jail Warden sang MBDJ Taculing, ginpangunahan sang Philippine Drug Enforcement Agency Negros Occidental Provincial Office ang surprise drug test sa 37 ka mga lalaki kag 11 ka mga babaye nga personnel.
Dugang pa niya ang ini nga aktibidad isa ka programa sang BJMP’s Buhay Ingatan Droga’y Ayawan ukon BIDA, para sa drug-clear facility.