Dead on the spot ang isa ka pedestrian matapos mabungguan sang motorsiklo sa Lacson Street, Bangga Sto. Rosario, Barangay Mandalagan sa Bacolod City, pasado las 5 kaina sang kaagahon.
Ginkilala ang biktima kay alias “Claire”, 46-anyos, residente sang Brgy. Bata. Nakaangkon siya sang head injury.
Pilason naman ang driver sang motorsiklo nga si alyas “John”, 24-anyos, residente sang Silay City kag ang iya backrider nga si alyas “Mikko”, taga EB Magalona. Gindala sila sa Corazon Locsin Montelibano Memorial Regional Hospital.
Nag-gwa sa traffic investigation nga nagatabok sa dalan ang pedestrian sang mabungguan sang motor nga nagapadulong norte sa dalan Lacson.
Bangud sang impact, nagtabog ang pedestrian kag ang duha nga naga-angkasanay sa motorsiklo.*
[sibwp_form id=1]