May 4,500 ka libre nga general admission seats para sa koronasyon sang Miss Bacolod MassKara 2025 nga pagahiwaton sa Domingo sang gab-i sa University of St. La Salle Coliseum.
Suno kay Daniel Banday, ang pageant director, first come, first served ang paghatag sang wristband nga may control number sa magapila sa Gate 1 sang USLS sa Oktubre 12, Domingo nga adlaw.
15 ka mga kandidata ang magapa indes-indes para makuha ang Miss Bacolod MassKara 2025 crown.
Ang magdaug bilang Miss Bacolod MassKara 2025 magabaton sang ₱150,000 nga cash, samtang ang 1st runner-up magabaton sang ₱100,000 kag ₱50,000 naman para sa 2nd runner-up.
Ang tagsa ka kandidata nakabaton man sang ₱80,000 nga subsidy gikan sa organizers.
Si Miss Universe Philippines 2024 Chelsea Manalo ang isa sa pito ka mga hurado nga gin-imbitar para sa coronation night.
Gina agda naman sang reigning queen nga si Princess Ella Olmilla ang tanan nga Bacolodnon nga magtan-aw kag magsaksi sa pagpili sang bag-o nga Miss Bacolod MassKara.
Samtang, sa Oktubre 14 ang naman MassKareyna 2025 Coronation Night nga pagahiwaton sa BCGC, nga pasakupan sang 17 ka transgender candidates halin sa nagkalain-lain nga bahin sang Pilipinas