Patay ang 43 anyos nga si Lito Villamor matapos siya gin luthang sang Sabado sang wala pa makilal-an nga persona sakay sa motorsiklo sa Barangay Minautok sa Calatrava.
Sa imbestigasyon sang Calatrava PNP, naga papauli na ang biktima sakay sa iya motor sang siya ang ginlagas kag ginsundan sang persona nga sakay sa motor kag sang mag lab-ot sa dalan sa bahin sang Sitio Pinyahon, gin luthang siya sang makapila ka beses sang suspek.
Dead on arrival sa ospital ang biktima.
Nakuha sa crime scene ang anum ka basiyo sang 45 caliver kag duha ka slug.
Suno sa pulis, mahimo personal ang motibo sang suspek sa pag patay sa kay Villamor.
Damlag pa gin pahayag sang Negros Occidental Police Provincial Office nga ila na ginahimo ang tikang para malikawan ang pag paniro himo sang mga motor riding suspects matapos mag saka ang kaso sa 41 humalin sang Enero 1 tubtob Marso 15.