May kwarentay dos tanan ka mga taga Western Visayas nga nalatnan sang la-in nga mga variants sang Covid-19. Duha ang gikan sa Negros Occidental kag isa sa Bacolod.
Suno sa Department of Health, sa ginpagwa nga report sang Philippine Genome Center, kinse ang samples gikan sa Western Visayas nga nag positibo sa alpha variant.
23 naman ang beta variant.
Ang Negros Occidental may isa ka bag-o nga alpha variant kag isa man ka beta variant. Suno sa kay DOH regional epidemiologist Dr. Glen Alonsabe, wala pa ini labot sa damlag pa ginreport man sang genome center nga alpha variant sa La Carlota City kag beta variant sa Cadiz.
Apat ka mga samples gikan sa mga persons nga may address nga Bacolod City, Iloilo City, Guimaras kag Iloilo province ang positibo sa theta variant.
Ang theta variant ang ginakabig sang World Health Organization bilang alert for further monitoring kag ang alpha kag beta naman variants of concern kay madasig naga lapta.