Ang ini nga empleyado sang Transcom masulod pa kun tani sa opisina kaina sang aga para mag process sang maternity leave pero wala na siya ginpasulod sa building.
Kagabi ginmando sang Bacolod Emergency Operations Center ang temporaryo nga pag sirado sang kompanya sa sulod sang beinte kwatro oras matapos nga may 41 na ka mga empleyado nga nag positibo sa covid 19 as of January 31.
Suno sa executive director sang EOC kag city administrator nga si Em Ang isa ka 21 anyos nga empleyado ang una nga nag positibo sa balatian sang Enero 23 kag nag sunod sunod na ini.
May mga nakita nga kapabayaan ang EOC sa operation sang sini nga BPO company suno kay Ang. Una ang pag pahanugot nga maka sulod pa sa trabaho sang isa ka empleyado sa opisina samtang gina hulat ang iya nga test result nga sang ulihi nagwa nga nag positibo.
Ika duha, wala sila naga gamit sang bac trac nga app para sa contact tracing.
May malapit sa 600 na ka mga empleyado ang ginpa swab test as of press time.
Ang ini nga kalan-an sa compound sang transcom wala na sang tawo kaina sang aga. ang naga bantay nga si si gigi gindoble na ang gina suksok nga mask bilang pangaman.
Suno sa kay Barangay Kagawad Ray Pendon sang Barangay Tangub, nagbutang sila sang tanod sa compound sang transcom para iregulate ang mga tawo nga naga sinulod.
Dugang pa niya, may mga empleyado pa sang kompanya kaina sang aga nga ara pa sa sulod kag naga hulat sang ila nga swab test result.
Ang DRRMO ang ginhatagan man sang instruction sang eoc nga magpatigayon sang disinfection sa compound kaina sang aga.
Ang mga empleyado nga nag positibo ang indi lang mga taga Bacolod may mga taga banwa kag siudad man gikan sa gwa sang Bacolod.
Subong nga hapon igaduhol sa Transcom ang ila notice of violation