41 tanan ka mga baboy nga wala sang nagakaigo nga papeles ang tigayon nga na-intercept sang barangay kasubong man sang local ASF Task Force sa siudad sang Escalante sang Lunes. Ginapatihan kabahin sang amo nga shipment ang na intercept man sa Calatrava.
Sa report sang office of the Provincial Veterinarian, na intercept sang mga barangay officials kag katapo sang Bureau of Animal Industry kag staff sang District Veterinary Office ang 41 ka mga baboy nga ginpapanaog sa bangka sa Barangay Rizal kag gin sakay sa canter.
Wala sang nagakaigo nga papeles ang amo nga shipment magluwas na lamang nga ginsiling sang nag karga sini nga gikan sa Molocaboc sa Sagay.
Pero sa pag verify sa Punong Barangay sang Molocaboc wala man sila naka issue sang barangay clearance para sa natungdan nga shipment rason nga ginpabalik sa point of origin ang mga baboy.
Batch by batch ang pag pabalik, duha ka batch nga tig katorse ka baboy kag isa ka dose.
May isa naman ka baboy nga napatay suno kay Lemana.
Pero sang Martes may na intercept nga shipment sang dose ka mga baboy sa Calatrava nga wala sang nagakaigo nga papeles.
Suno kay Lemana mahimo nga ini sila ang kabahin sang 41 nga na intercept sa Escalante.
Indi na luyag pa mag risgo ang team rason nga gin dispose ang mga ini kag ginlubong. Indi man mapat-od kun gikan sa Cebu ang mga baboy.
Suno kay Lemana nalakip sa maid-id nga gina bantayan sa tunga sang resurgence ukon pag balik sang African Swine Fever amo ang mga shorelines, mga pwerto kag boundaries.
“Indi ko ka hambal kun pila gid ang iya nga value pero more or less ang baboy is 60 to 70 kilos. 12 heads. Indi kita mag take sang risk tungod nga kita diri ara na kita sa third phase sang recovery program nga phase so indi ta pwede nga mag risgo”, suno kay Lemana.