Mga katapo sang Federation of Urban Poor ukon FedUp ang nagtipon kaina sang aga sa monumento ni Benigno Ninoy Aquino sa dalan Araneta sa Bacolod City sa pagdumdom sang 40th death anniversary sang anay senador.
Suno kay Joy Jarabelo ang pamuno sang FedUp sa probinsya, suksok ang yellow nga t-shirt, mga 80 sila ang nagtipon kun sa diin sila ang naghalad sang bulak kasubong man nag kanta sang pila ka ambahanon.
Mensahe ni Francis Carreon, nga Board Member sang FedUp, sa amo nga pagtilipon, matapos ang 40 ka tuig, kasubong nga daw nadula ang kalag sang mga Pilipino bilang isa ka pungsod.
Ang natabo 40 ka tuig ang nag ligad ang nagdulot sang respeto sa pungsod gikan sa iban nga nasyon.
Suno kay Carreon, karon, wala na sang pagkabalaka sa mga Pilipino, bisan gani ang yara sa gobyerno wala naga hatag sang igtalupangod sa sitwayon sang mga pigado.
Suno sa grupo si Ninoy ang nag pakita sang iya kaisog bisan isa lang siya.
Ini kuntani ang gina paabot gikan sa tagsa-tagsa nga mangin maisog manindugan kag mag pakig-away sa indi husto, sa pag away sa kalainan.
Kasuboong man sa pagsaway sa yara sa poder nga naga patuyang kag naga pamintaha.