May 40,000 ka dose sang rabies vaccine ang ginpanagtag sang probinsya sa nagkalain lain nga banwa kag siudad sa paglunsar Rabies Awareness Month.
Sa siudad sang Silay ginpatigayon ang programa kun sa diin ginsakdag man ang information education campaign.
Diri ginpatpat ang risgo sang rabies kag paano ini mapamatukan.
Gina duso ang responsible pet ownership kag ang importansya nga indi pagtugutan nga mag layaw ang hinuptanan nga ido ukon kuring.
Suno kay Dr Renante Decena ang provincial veterinarian ang nagakaigo nga pagtatap sa ido dapat hatagan sang nagakaigo nga atensyon para sa rabies free community.
Sang 2020 may 18 ka kaso sang rabies nga na record ang probinsya, tatlo diri ang gikan sa Bacolod. Sang 2019 may 20 ka rabies cases.
Masobra naman sa 126,000 ka mga ido ang nabakunahan kontra rabies sang 2020.
“Maging responsableng amo, huwag hayaang gumala ang alagang pusa’t aso” ang nangin tema.
Ang veterinary medical mission naghatag sang free rabies vaccination, deworming kag iban pa gid nga serbisyo.
Sa Silay City ginparada man sang mga amo ang ila hinuptanan nga ido sa dog walk nga ginsakdag angut sa Rabies Awareness Month.