Padayon ang bulig nga ginahatag sa mga hog raisers nga apektado sang pig deaths.
Nag partner man ang probinsya sa isa ka non government organization nga naga tuyo mag bulig sa mga hog raisers nga maka negosyo.
Suno kay Provincial Administrator Rayfrando Diaz, may 400 ka hog raisers ang maga benepisyo sa idalom sang Project Hope kun sa diin sila ang pagahatagan sang capital kag mabuligan man kun paano mag padalagan sang negosyo.
Isa sa requirement sini amo nga dapat may smartphone para sa app nga maga bulig sa recipients. Gin paagi man ini sa Provincial Social Welfare and Development Office kag sa Hunyo 26 ang launching.
Samtang, suno kay Diaz gina tinguhaan nga sa mas madali nga panahon tigayon nga ma release ang 2,000 pesos nga assistance sa idalom sang AICS ukon assistance for individuals in crisis situation.
Damlag pa, nahagatagan naman sang free range chicken ang pila sa mga hog raisers nga nag kalapatyan sang baboy.
Sa June 19 nga datus sang Provincial Veterinary Office, 152.7 million pesos ang balor sang kahalitan sa baboy.
Pero suno kay Diaz namutikan na nila ang pagnubo sang pig deaths, wala labot nga ang iban kay tungod na ubos ukon tuman ang pag nubo sang hog population, ang iban kay tungod nga amat-amat na nga nalikawan ang pag lapta pa gid sang masakit.