400 pa ka mga dugang nga tent ginaplano ibutang malapit lang sa nauna nga tent city sa Himamaylan.
Indi maka-igo ang 500 ka mga tents nga ginplano ibutang sa Tree Park sa Barangay 3 sa Himamaylan City.
Sa 390 ka mga napadala nga tents sang Office of the Civil Defense, 300 lang ang na-install sa siyam ka ektarya nga propiedad sang siudad.
Gani ang ginaduso ni Mayor Raymund Tongson nga mag dugang sang 400 ka mga tents agud ma-accommodate ang mga ginapaabot nga evacuees malapit lang sa natukod nga tent city.
Gindugang ni Tongson nga sa ila pagsugilanon ni La Castellana Mayor Rhummyla Nicor-Mangilimutan mas maayo kag mahapos kun ululupod sa isa ka tent city ang mga pamilya nga iga-evacuate gikan sa barangay nga apektado kun magsaka sa Alert Level 4 ang status sang bulkan Kanlaon.
Ang banwa sang La Castellana ang isa lang sa mga banwa nga apektado humalin sang nag-alburoto ang bulkan.