Mga 40 por siento sang mga konsumedor sang BACIWA-PrimeWater ang apektado sang pagnubo sang water supply.
Suno kay Engr Michael Soliva, ang OIC-Manager, as of May 19, 90 million liters per day, ang total nga supply sang BACIWA-PrimeWater gikan sa tanan nga sources sini. May kulang nga 30 MLD.
Ang dry spell nga gina eksperiensya karon, ang ginakabig isa ka daku nga factor sa pag panaog sang supply. Suno kay Soliva, dugang man diri ang mga leakages sa mga tubo.
Sa kada tig-ilinit may kasubong nga mga pag panghangkat nga gina atubang sila. Gin reactivate na sang PrimeWater ang apat ka mga wells sini para maka augment sa gina kulang nga supply sang tubig.
Masobra sa 70,000 ang konsumedor sang BACIWA-PrimeWater, 60 to 70 percent sini ang nagabaton sang 24/7 nga water service suno kay Soliva.
May mga 40 percent, ukon mga 28,000 ang apektado. Nagakasayuran nga may mga tion nga 16 hours lamang sila makabaton sang tubig bangud sang unstable nga supply.
Lakip sa mga lugar nga apektado amo ang mga coastal barangays. Apektado man suno sa iya ang Brgy Taculing kag Villamonte – mga dalagko nga barangay. Padayon ang ila nga close coordination sa PrimeWater para malubad ang problema.
“Magsiling nga 40 percent affected, indi man na totally nga wala sila tubig. For example for 24 hours mahimo lang sila 16 hours. Ma lower ang delivery. (will it last until the dry spell ends?) hopefully indi. We’re closely coordinating with PrimeWater para ma address man ini. That’s why sa mga bulk water suppliers namon we are also telling them to be ready. On the onset ang amon preparation includes sa mga well rehab, repairs. Para ang aton tubig indi ta mausikan”, suno kay Soliva.*
[sibwp_form id=1]