Gina balik karon sang banwa sang EB Magalona ang ila Sabado Nights nga may eat all you can crab.
Ginsiling ni Mayor Matthew Malacon mga 40 porsiento sang ekonomiya sang banwa ang apektado bangud sang pagkadula sang palangabuhian sang yadtong mga naga salig sa blue crab industry.
Tuyo sang banwa nga mabuligan ang ila nga mga pumuluyo nga direkta apektado sang pag patuman sang ban sang Estados Unidos sang blue swimming crabs sang Pilipinas.
Karon ang presyo nanaog sa 120 tubtob 140 ang kilo sang kasag.
Tuyo sang eat all you can sa iga lunsar nga Sabado Nights nga baklon mismo sang LGU sa mas mataas nga presyo ang kasag para mabuligan ang naga salig sa industriya.
Dugang pa ni Malacon sa ini nga pamaagi matib-ong man ang turismo sang banwa.
Sa Agosto na ini magasugod humalin 5pm tubtob 12mn.
Sa pihak nga bahin gin grupo man sang Municipal Social Welfare and Development Office ang mga apektado sa isa ka organisasyon kag ginhatagan sang pondo para sa lain naman nga sahi sang palangabuhian.
Bulan pa sang Hunyo sang ginpatuman sang Estado Unidos ang ban sang blue swimming crab sang pungsod Pilipinas.
[sibwp_form id=1]