Nagpasakop ang 40 ka mga pulis sa nag kalain-lain nga police stations sa Negros Oriental para sa ika duha nga tuig sang Biggest Loser Challenge sang Negros Oriental Police Provincial Office.
Ini ang programa sang provincial director sang NORPPO nga si Colonel Alex Recinto, para mapaniwang ukon mapa gamay ang mga pulis sa probinsya nga overweight.
Suno kay Lt Kym Lopez, spokesperson sang NORPPO, may yara sang standard nga body mass index ang mga pulis kag dapat ini nga ma maintain sang mga kapulisan agud indi mangin kabudlayan sa ila trabaho.
Posible abi suno kay Lopez nga mabudlayan sa pag hulag ang pulis nga overweight kag mangin apektado man ang iya sini ikaayong lawa gani luyag sang NORPPO nga malab-ot nila ang naga kadapat nga body mass index.
Tubtob sa Hulyo 31 ang ini nga challenge sang NORPPO kag may reward man ang pulis nga may pinaka dako nga mabuhin sa iya kabug-aton.