Apat ang pilason sang magtakilid ang isa ka SUV sa dalan Libertad extension sa Barangay Taculing sa Bacolod.
Diutayan na lang nga magbaliskad ining SUV nga nagtakilid sa sidewalk sa dalan Libertad extension sa Barangay Taculing sa Bacolod kaina sang aga.
Nakaluwas ang babaye nga driver sang salakyan nga isa ka nurse kag tatlo ka mga pasahero nga mga menor de edad.
Sa pagpang-usisa sang Police Station 6 Traffic Section, halin sa Murcia padulong sa Libertad ang salakyan nga nagtinguha overtake sa ginasundan nga auto. Ugaling nakasagaid sa gutter ang SUV kabangdanan nga wala na-kontrol sang driver ang manubela resulta nga nakabunggo ini sa kilid sang pader kag nagtakilid.
Gilayon naman nga nag-respondi ang mga rescuer para mabulong ang mga pilas sang mga pasahero sang SUV. Madasun nga gin-tow ang salakyan sa kilid sang dalan.