Pilason ang apat tanan ka persona sa pag bunggo kahapon sang Toyota Rush sa tricycle sa kilid sang dalan Araneta sa Barangay Sum-ag sa Bacolod.
Suno sa PNP, samtang naga dalagan sa dalan, gilayon na lang nga nabungguan sang salakyan ang tricycle nga naga park lang sa kilid sang dalan.
Pilason ang tatlo ka sakay sa tricycle nga sanday Brigada Delicano, Ma. Lucia Mata, kag Remo Yulo. Gindala man sa ospital ang driver sang salakyan nga si Christopher Jacildo.
Posible sa pulis nga nag ka problema ang salakyan kag nadulaan sang kontrol ang driver amo nga nag swerve ini sa kilid sang dalan. Padayon pa ang imbestigasyon sang PNP.