Temporaryo nga gintabunan anay sang plywood ang nawasak nga dingding kag puertahan sang emergency room sang Bacolod Queen of Mercy Hospital.
Ini matapos mabungguan sang pick-up nga ginamaneho sang dialysis patient sang ospital Huwebes sang hapon.
Nadalasa man sang pick-up ang isa ka nurse nga babaye, clinical aide, medical orderly kag isa pa ka pasyente sang ospital.
Sila ang na-admit sa ospital bangud sang naagom nga pilas kag injury.
Suno sa pamunuan sang ospital, nakaluwas ang driver sang pick-up nga sadto nagbatyag sang paglingin sang ulo antes natabo ang insidente.
Siya ang nagpadulong sa ospital para sa hemodialysis session.
Nag-gwa nga una niya nga na-isolan ang kaiping nga OPD room antes nagrekta bunggo sa ER.
Panugyan ni Police Major Armilyn Vargas sa mga motorista nga may ginabatyag nga balatian nga kun mahimo magpa-drive ukon maghire na lamang sang caregiver agud mapaiway ang kasubong nga hitabo.