Patay ang mag utod nga Regie kag Norla Binanga-an matapos mabungguan sang pickup ang ila nga motorsiklo sang Lunes sang aga sa dalan sa bahin sang Barangay Mansanalao sa banwa sang La Castellana.
sa imbestigasyon sang PNP, ang motorsiklo nga ginasakyan sang mag utod ang nagapasaka sa kurbada nga bahin sang dalan padulong kun tani sa sa Guihulngan, Negros Oriental sang gilayon lang sila nga mabungguan sang pickup nga nagapapanaog naman gikan sa opposite lane.
Ang driver sang pickup nga si Alfred Gonzalgo ang nag siling nga nawad-an preno ang iya salakyan amo nga wala niya na ini ma kontrol.
Nag labog sa tubuhan ang mag utod nga sakay sa motor kag gin deklarar nga dead on arrival sa ospital.
Samtang sang Dominggo, patay naman ang pareho nga naga dala sang motor nga sanday Leeroben Perez kag 14 anyos nga menor de edad matapos magubungguanay ang ila motorsiklo sa dalan bahun sang Barangay Lalagsansa La Castellana.
Pilason naman ang 15 anyos kag 18 anyos nga angkas sang napatay nga menor de edad.
Sa imbestigasyon sang pulis, naglapaw sa iya nga lane ang motor ni Perez amo nga nabungguan niya ang motor nga ginasakyan sang tatlo ka solterito.