Isa ka apat ka tuig nga bata nga naigo sang boga sa mata ang pinaka una nga firecracker-related injury ang gin report sa siudad sang Bago.
Suno kay Dr. Ferdinand Ramon Mayoga, ang city health officer sang Bago, ang insidente natabo domingo sang hapon sa Barangay Bacong.
Sa report nga ila nabaton gikan sa Bago City PNP, mahimo nga nakuha sang mag utod ang boga nga gina gamit sang ila nga amay sa pagpanabog sang pispis sa ila nga talamnan.
Posible gin sindihan nila rason nga naigo ang bata sang natuo nga mata. Na discharge naman ang bata gikan sa bululngan.
Matungod nga boga ang gin gamit na classify ang insidente bilang firecracker related injury.
Para naman kay Bago City Mayor Nicholas Yulo dapat nangin responsable ang amay sa pag tago sang amo nga device.
Padayon naman ang kampanya kontra sa pag gamit sang palupok agudto malikawan ang ano man nga firecracker related injury.
Ang probinsya sang Negros Occidental ang may pinaka taas nga firecracker related injuries nga gin report sang 2019 suno sa duktor.