Patay ang 4 ka tuig nga bata nga babayi matapos ini malumos kahapon sa suba sa Barangay San Agustin sa Isabela.
Suno sa PNP, upod sang bata ang iya sini magulang sa pag paligo sa suba las dos sang hapon.
Nalingaw sa pagsalom suno sa pulis ang magulang kag wala niya na matalupangdan ang iya nga manghod nga nadula na.
Malapit tatlo man ka oras kag na kita sang mga pumuluyo ang bata.
Las singko sang hapon nakit-an ang bata malapit lang man sa lugar kun sa diin sila nag paligo. Gindala pa sya sa ospital apang gindeklarar man nga dead on arrival.