Negatibo sa Covid 19 ang tatlo ka mga consultant kag expatriate nga gikan sa South Africa.
Negatibo man sa Covid-19 ang returning overseas Filipino nga gikan man sa South Africa.
Ini suno kay provincial administrator Rayfrando Diaz base sa swab test result nila nga nag gwa sini nga adlaw, Biernes. Suno kay Diaz sila ang maga padayon sa ila nga quarantine.
Tatlo sa ila ang nag abot sa probinsya Nobyembre 25 kag isa Nag-abot Nobyembre 26. Naka abot na sila antes pa man nag gwa ang advisory bahin sa banning sa South Africa kag iban pa gid nga pungsod bangud sang omicron variant sang Covid-19.
Samtang, naga pabilin naman sa hotel sa Manila ang pito ka iban pa nga gikan sa South Africa nga natalana mag padulong sa Negros Occidental. Suno kay Diaz padayon pa ang monitoring sang Bureau of Quarantine sa ila.