Apat ka mga pasahero sang bus ang nag angkon sang minor injuries matapos mawad-an sang control sa bus ang drayber sa may national highway sa baranggay Zone 15, Talisay City sang kagab-I, Miyerkules.
Sa inisyal nga imbestigasyon sang Talisay PNP, ang bus ang gikan sa Norte padulong sa Bacolod kag aksidente nga nadulaan sang control ang drayber kag nabungguan sini ang poste sang kuryente, charging machine sang BYD Cars kag ang duha ka motorsiklo nga naga park sa higad sang dalan.
Istorya sang mga pasahero gulpi lang naglupok ang goma sang bus kag nadulaan na sang control ang driver.
Gindala sa Talisay City Health office ang mga pilason.