Patay ang apat ka mga katapo sang New People’s Army sa nagluntad nga enkwentro kaina sang aga sa Sitio Amelis, Barangay Santol sa banwa sang Binalbagan.
Suno kay Brigadier General Inocencio Pasaporte, commander sang 303rd Infantry Brigade, ang mga naka enkwentro sang tropa lakip na ang mga napatay ang responsable sa pag ambush sang patrol car sang Binalbagan PNP sang Pebrero.
Ginpahayag ni Pasaporte, ang tropa sang army ang nakabaton sang report angut sa liwat naman nga pag pangilkil sang mga rebelde sa lugar gani ila ini gin respondehan kag nag resulta sa enkwentro.
Ginabulubanta 10 tubtob 15 ka mga armado ang na enwentro sang 94th Infantry Battalion upod sang Negros Occidental Police Mobile Force Company.
Magluwas sang apat ka napatay nga NPA, may mga armas man nga na recover ang army. Padayon pa ang ila hot pursuit operation.