Nakilal-an na sang army ang 4 ka mga napatay nga miyembro sang New People’s Army sa enkwentro kahapon sang aga sa Sition Amilis, Barangay Santol sa banwa sang Binalbagan.
Ang mga napatay amo sanday Roel Sagon, Rowell Udtuhan, Alden Rodriguez kag Nikka Ledesma nga katapo sang SDG platoon sang NPA.
Damlag pa ginpahayag sang army nga ila nabaton ang impormasyon angut sa pag pangilkil sang grupo sa amo nga lugar kag ang ini nga grupo amo man ang ginasiling responsable sa pag ambush sa Patrol Car sang Binalbagan PNP sang Pebrero.
Ang joint securiy operation sang army kag PNP amo ang nag resulta sa enkwentro nga ginkamatay sang apat ka mga rebelde. May mga armas man nga na recover nga otoridad.
Samtang, isa ka high ranking NPA member ang na capture sang tropa sang 79th Infantry Battalion sa isa man ka encounter kahapon sang udto sa Sitio Banwa Minatay, BarAngay Marcelo sa Calatrava.
Ginabulubanta 7 ka mga NPA members ang naka enkwentro sang tropa sang Army. Na capture sang army si Isabelle Necesario nga gina alegar Deputy Secretary sang Northern Negros Front. May mga armas bala kag iban pa nga dokumento kag kagamitan ang na recover sang army matapos ang engkwentro.