Isa ka koridor sang STL nga nag gamit sang peke nga ID ang gin-aresto sang National Bureau of Investigation.
Apat naman ka gina alegar maintainer sang iligal nga STL sa banwa sang Binalbagan kag Sipalay ang ginpasakaan sang kaso.
Matapos makabaton sang impormasyon, na aresto sang NBI sa operation kahapon si Gilberto Onde, sa Lopez Jaena St., sa Barangay 31. Suno kay Atty Renoir Baldovino ang chief sang NBI Bacolod, isa lamang ang lisensyado nga operator sang STL sa probinsya – ang Super Lucky Beagler, Inc.
May na recover sa iya nga kwarta ginapatihan gikan sa taya suno sa NBI.
Gin-file ang reklamo via inquest proceedings.
Samtang, ginpasakaan sang kaso sang NBI kanday Joevel Espora kag Liczl Rentoy bangud gina alegar sila ang maintainer/operator sang iligal nga naga pataya sang STL sa Sipalay City, kag kanday Dinah Katalbas Surigao kag Liezel Trembol bangud sila naman ang gina alegar maintainer/operator sang iligal nga STL sa Binalbagan nga damlag pa gin-operate man sang NBI.
Regular ukon direct ang filing sang kaso batuk sa ila suno kay Baldovino. Wala naman ginpasakaan sang kaso ang mga naga panag-iya sang hulot nga ila gin-arkilahan sang sila ang iligal nga naga operate sang STL suno kay Baldovino bangud ang mga ini ang nag hatag sang kooperasyon sa otoridad.