Apat ka empleyado sang probinsya ang nagpositibo sa Covid-19, ginlockdown naman ang isa ka talatapan.
Nagpositibo ang isa ka empleyado sang Information And Promotion Section, rason nga ginpaidalom sa swabbing martes nga adlaw ang tanan nga katapo sang amo nga talatapan.
Sirado ang opisina kag maga depende naman sa mangin resulta sang swab test ang liwat nga pagbukas sini. Nagpositibo man sa virus ang tatlo ka himata sang natungdan nga empleyado.
Suno kay Provincial Administrator Rayfrando Diaz ang department head kag isa ka staff sang Provincial Accounting Office ang nag positibo pero padayon nga bukas ang talatapan. Ika apat nga nag positibo ang empleyado sang NOLITC.
Suno kay Diaz, ini sila ang naghilanat kag nag-ubo kag sip-on. Indi man pabaya ang mga empleyado sang kapitolyo. Natalana nga mag pa gwa sang memorandum si Diaz sa nga maga limit sang pag cross ukon pagtabok-tabok sa mga nagkalain lain nga mga opisina, lakip na ang pag paiway sang indi kinahanglanon nga ma pagtililipon kasubong sang kinaon kun may mga selebrasyon.