May apat ka mga duktor sa idalom sang mga ospital nga gina dumala sang probinsya ang gina-usisa.
Suno kay Provincial Administrator Rayfrando Diaz, ang apat ka mga reklamo ang ginapatuhoy sa ila nga talatapan sang Department of Health kag ini sa karon ang ila na nga gina usisa.
Paathag ni Diaz nag kalain lain ini nga mga reklamo nga nagalakip sang complaint gikan sa pasyente padulong sa gina alegar korupsyon kasubong sang pag baligya sang bulong sa sulod sang ospital.
Ang labing ginakinahanglan sang probinsya suno kay Diaz, mga healthcare workers nga may pag ulikid sa mga pasyente kag pagtamod sa public service. Ini man ang rason sang one hospital command system nga mangin alalangay kag santo ang serbisyo nga mahatag sa pumuluyo.
Sa pihak nga bahin, na terminate sa serbiyo ukon na drop sa rolls si Ma Lina Sanogal ang Provincial Planning and Development Officer bangud sang absence without leave.
Humalin Marso 18 sang pag re-assign sa iya sa Office of the Governor kag maga report kay Diaz, tubtob Mayo 19 wala na maka report si Sanogal. Ginserbe sa iya ang notice Mayo 20.
“We have proof nga iya gid ya gusto nga i-pa drop siya. Naga text siya sa admin officer ya nga go on submit lang kamo kay mapa drop lang ko ya. Tapos gahambal ang iya staff nga ma’am indi kami ka process sang amon payroll kun wala ka. So ginhambal ya, ay te liwaton niyo gid na. Indi gid siya ya, nag refuse siya despite several reminders, so we have no other recourse”, suno kay Diaz.
Suno kay Sanogal, kasubong nga moot and academic ang amo nga notice. Siya ang may pending nga constructive dismissal complaint batuk kay Governor Eugenio Jose Lacson, kag ang epekto sini suno sa iya kasubong nga nag tapos naman gid ang iya nga trabaho bangud sang gin-obra batuk sa iya.
“Ipadala ko ni sa Civil Service nga gin drop from the rolls pa gid ko nila. Kay added pa ni sa akon nga kaso nga makita gid bala kun paano ko gina oppress kay actually before ka ya i-drop from the rolls damo pa na dapat nga letter sa imo ya. Sulatan ka pa na ya anay ya nga remindon ka nga masulod ka. Tagaan ka time to explain kun ngaa wala ka nagsulod. Anyway I will send them a copy of the case I filed sa Civil Service Commission”, suno kay Sanogal.