Shadow

4 ka mga balay gintupok sang kalayo sa Silay City

May naga dalagan pa bitbit ang TV, may mga naga singitan, may mga naga paandam nga indi na magbalik sa balay nga nagaka sunog.  Ini ang eksena kaina pasado las diyes sang aga sa Cinco de Noviembre Street, Purok Ilimnan, Barangay III, siudad sang Silay.

Apat ka mga balay ang totally destroyed bangud sang kalayo.  Suno sa mga residente naglawig sang 15 minutos ang sunog kag madasig man nga naka responde ang mga bombero.

May mga naga siling nga napabay-an nga katol ang ginhalinan sang kalayo pero ini ang gina usisa pa sang Bureau of Fire Protection.

Ang apat ka mga pamilya nga nawad-an sang puluy-an ang temporaryo anay nga maga tinir sa barangay hall.

May ginpreparar naman ang barangay nga mga food packs para sa mga apektado sang sunog.

Wala naman sang may nasamaran sa amo nga sunog.

Secured By miniOrangeSecured By miniOrange