Apat ka menor de edad nga gina-alegar gina bugaw sang ila ginikanan sa online child prostitution na rescue sang kapulisan sa Bacolod.
Katapo sang konseho nagapaandam sa mga iban pa nga ginikanan nga may kasubong nga modus.
Pinaagi sa gin-serbe nga search warrant kag joint entrapment operation sang Women’s and Children Protection Center – Western Visayas Field Unit, PRO-7 upod sa Bacolod City PNP kag DSSD na rescue ang kapid nga lalaki nga naga edad duha ka tuig pati na ang ila mga magulang nga 6 kag 9 anyos nga gina alegar gina gamit sang ila ginikanan para sa online trafficking kag sexual exploitation sa Bacolod sang Biyernes.
Na recover man sang otoridad sa mag live-in nga 28 kag 35 anyos ang mga cellphone kag laptop nga gingamit sa ila modus operandi.
Suno kay Councilor Celia Flor, pamuno sang Committee on Women, Gender, Family and Childcare, dapat nga magserbe nga paandam sa iban pa nga ginikanan ang pagkatikma sang mag live-in partner nga naga abuso sa ila mga kabataan.
Ginsiling ni BCPO Director, Col. Noel Aliño ang WCPC amo ang lead agency nga natalana magapasaka sang kaso may kaangtanan sa Online Sexual Abuse and Exploitation of Children batuk sa mag live-in partner. Yara na sa custody sang DSSD ang mga menor de edad.