Apat ka mga medical health workers sang Corazon Locsin Montelibano Memorial Regional Hospital ang nagpositibo sa COVID-19.
Suno kay Dr. Chris Sorongon sang Bacolod EOC, ang duha sa apat ang nabakunahan na sang first dose sang COVID-19 vaccine antes nga nagpositibo sa virus.
Iya ginpahayag nga indi pa gilayon nga makaangkon sang immunity batuk sa virus ang mga nabakunahan nga nagpositibo bangud wala pa nila mabaton ang second dose sang bakuna.
Ginpahayag naman sang medical center chief sang ospital nga si Dr. Julius Drilon nga sa karon 85 porsiento na sa ila personnel ang nabakunahan sang first dose.
Ila man karon ginlimitahan ang pagbaton sang pasyente sa ila pediatric ward bangud puno na ang ila hospital beds sa amo nga department.
Base sa DOH guidelines, dapat nga limitahan sang ospital ang ila pasyente bilang isa ka paagi sang infection control.
Gin-athag naman ni sorongon nga sa gwa sang ospital naangkon sang apat ka mga nagpositibo nga personnel ang virus kag indi sa sulod sang ospital.