Apat ka mga banwa kag siudad sa Negros Occidental ang yara sa dengue alert threshold.
Ini base sa July 2 nga report sang Provincial Health Office. Ang banwa sang Hinigaran, La Carlota City, Binalbagan kag Cadiz City ang yara na sa alert threshold.
Suno kay Dr Ernell Tumimbang ang Cadiz City sa amo nga report ang malapit na sa epidemic threshold.
Naga recommend lamang sang fogging ang PHO kun yara na ang lugar sa epidemic threshold, amo man ang pag hatag sang larvicide.
Damlag pa suno kay Tumimbang napatuman na ang fogging sa Hinigaran sang ini ang nagdangat sa epidemic threshold.
Paathag ni Tumimbang, bisan suspected dengue cases, kasubong sang yadtong nakitaan sang sintoma sang dengue pero wala napaidalom sa rapid test ang gina lakip sa reporting sang dengue cases. 1,800 ang dengue cases sang Negros Occidental sa July 2 nga report sang PHO.
Nagdangat naman sa napulo ang napatay bangud sang dengue sa Negros Occidental.