Apat ka mga empleyado sang Office of the Provincial Agriculturist ang gin-dismiss sa serbisyo bangud sang grave misconduct.
Ginserbe Hwebes sang aga ang dismissal order batuk kanday Engineer Ramelo Letran kag Rezin Palacios kag Project Development Assistant Maria Luisa Abaño.
Ang order ang gin lagdaan ni Provincial Legal Officer Alberto Nellas, Jr., nga nagserbe hearing officer, bilang recommending approval, kag gin aprobahan mismo ni Governor Eugenio Jose Lacson.
As of press time wala pa ma serbe ang order kay Engineer German Abihay suno kay Nellas bangud ini ang napaidalom sa preventive suspension sa separado naman nga kaso. Sila ang gin-usisa angut sa misuse of government vehicle matapos nga mag tambong sa isa ka meeting sa Victorias City sadtong July 15, 2022 paagi sa capitol cab service.
Ugaling nalab-utan las 8 sang gab-i ang paghulat sa ila sang driver kag natukiban nga yadto sila sa ilimnan. Nadala man sa gina usisa sa amo nga kaso ang division head nga si Engineer Jimbo Garsula pero ini siya ang nag paidalom sa full blown hearing.
Suno kay Nellas ang apat ang nagsubmit sang position paper angut sa ila nga kaso kag ini pa lamang ang napapanaugan sang desisyon. Sarang maka file sang appeal ang apat sa Civil Service Commission Regional Office pero ang dismissal order, executory pending appeal suno kay Nellas.
“(Is that not a bit harsh?) Ina balang accountability mo na. A public office is a public trust. We are accountable to the public. Tax payers money na siya. This should serve as an example nga indi ta mag abusar. We have to be firm”, suno kay Nellas.