Apat ka mga kumbuyahan nga nadakpan may peke nga business permits naintuan sang duha ka mga fixer kag wala sang natumod nga empleyado sang siudad nga may kahilabtanan sa pagpameke sang mga dokumento.
Ginserbe na sang City Legal Office ang notice of violation sa apat ka mga kumboyahan nga nadakpan nga peke kag expired ang ila mga business permit.
Sa ila pagpang-usisa nag gwa nga naisahan sang duha ka mga fixer ang apat ka mga kumboyahan.
Suno kay City Legal Officer Atty. Romeo Carlos Ting, Jr., ang mga fixer mismo ang nangita paagi nga mapeke ang mga permits kag wala sila sang may natumod nga empleyado nga posible may kahilabtanan sa amo nga modus.
May 90 pa ka mga business permits ang gina validate karon sang City Legal Office.
Si Mayor Albee Benitez ang nagtukod na sang task force nga amo ang magatutok sa reklamo angut sa pagpameke sang mga dokumento nga gina-issue sang siudad.