Nahuman na ang mga proklamasyon sa mga banwa kag siudad sa Negros Occidental.
May mga bag-o nga maga pungko sa pwesto kag ginasiling maga bag-o sang dagway sang pulitika sa ila nga mga lugar.
Sa Bago City gin-proclaim si mayor-elect Marina Mayette Javellana-Yao.
Iya ginlutos si Vice Mayor Ramon Torres nga pila ka termino nga nagpangalagad alkalde kag bise alkalde sa Bago.
Sa La Carlota City anay konsehal nga si Jose Luis “Joelu” Jalandoni ang nagdaog sa mayoral race. Ginpierde niya si Mayor Rex Jalandoon.
Sa Isabela, bag-uhan nga si Miguel Angelo Yulo ang naglutos kay Vice Mayor Juan Mig Montilla sa mayoral race.
Nagabalik bilang Mayor sang Valladolid si Ricardo Presbitero.
Iya ginlutos si Vice Mayor Roel Yogore.
Sa Binalbagan, maga balik man bilang Mayor si Emmanuel Aranda matapos niya ginlutos si Mayor Alejandro Bebot Mirasol.
Sa Talisay City, gin proclaim mayor elect si Atty Rowena Lizares, tiayon ni Mayor Neil Lizares. Siya ang pinaka una nga babaye nga maga serbe nga alkalde sang siudad.