Ginsiling ni Mayor Greg Gasataya nga padayon pa nga ginatun-an sang siudad sang Bacolod ang posibilidad sa pagpatuman sang 4-day work week scheme sa mga opisina sang gobyerno sa siudad.
Ini matapos nagpagwa si President Ferdinand BongBong Marcos Jr. sang isa ka memorandum nga nagahaylo sa mga government offices nga magpatuman sang amo nga inisyatibo bangud sa pagmahal sang presyo sang langis.
Suno kay Gasataya, ginalantaw man sang siudad nga magpatuman sang 4-day work week, apang ila pa ginasiguro sa karon nga indi ini makaapekto sa bug-os nga operasyon nila.
Paagi naman sa Executive Order 11-2026, ginmanduan sang alkalde ang mga talatapan sang siudad nga magkinot sa pag-gamit sang kuryente kag langis.
Kaundan sini kinahanglan nga i-off ang tanan nga mga appliances nga wala ginagamit ilabi na sa lunch break kag likawan ang mga unscheduled vehicle operations. Tanan nga air-conditioning units kinahanglan man nga indi magnubo sa 24 degrees Celsius ang temperatura.*
[sibwp_form id=1]