39 na lamang ka pamilya ang nabilin sa evacuation center sang banwa sang La Castellana.
Ini suno kay John de Asis ang pamuno sang Disaster Risk Reduction Management Office sang banwa.
Ini sila ang mga naga puyo sa 4km permanent danger zone sakop sang Biak na Bato kag Masulog.
Nagakasayuran nga sa masobra 4,000 ka persona nga nag evacuate, 116 na lamang ang nagapabilin sa evacuation center. Indi man mapat-od kun tubtob san-o sila maga pabilin sa evacuation center.
Suno kay de Asis ini ang gina hibalo pa sang LGU kag isa sa ginalantaw amo nga kun may evacuation center man sa natungdan nga mga barangay kag sarang ma accommodate ang mga natungdan.
Maga hinyo ang LGU sang bulig sa national government para sa relocation site.
Suno kay Governor Eugenio Jose Lacson, importante nga mapat-od sang LGU ang posible site nga may konsiderasyon man sa palangabuhian sang iga relocate.
Magabulig ang probinsya sa kun ano man ang sarang mahatag nga bulig sini.