Opisyal nga nagbukas ang 38th Negros Trade Fair sa Glorietta 2 sa Makati City, Martes sang gab-I.
May 115 ka mga exhibitors ang nag pakigbahin sa tuigan nga trade fair kun sa diin nalakip diri ang siyam gikan sa Negros Oriental.
Ginsiling ni Negros Occidental Governor Eugenio Jose Lacson paagi sa kasubong nga mga hilikuton padayon ang pag tib-ong sang economic growth kasubong man ang pag hatag sang atensyon sa local heritage kag subong man ang pag pasiguro nga malab-ot ang full potential sang mga agricultural kag aquacultural nga mga produkto sang isla sang Negros.
Sa pagbukas mismo sang trade fair ginpasidunggan sang Association of Negros Producers ang nag taliwan nga si anay Negros Occidental Governor Daniel Bitay Lacson, Jr. Siya ang gina kabig Father of the Negros Trade Fair nga amo ang longest running provincial trade fair sa Metro Manila.
Sa tribute nakasaad nga sa tunga sang pag panghangat sadtong 1985 dala sang socio economic crisis ang negosyante nga si Lacson ang nag pangita sang pamaagi agudto mabuligan ang mga Negrense gikan sa kapigaduhon.
Isa na diri ang paghatag palangabuhian sa pag pahamtang sang magagmay nga households kag village level craft and industries.
Kag bilang pamuno sang Negros Business Forum sadto iya ginpamunuan ang pag pahamtang sang Manila-based marketing activity kun sa diin ang mga entrepreneurs ang nag display sang ila nga mga produkto sa isa ka car park sa Makati.
Samtang, nagtambong sa opening ang mga provincial government officials kag mga alkalde. Yara man si anay presidente Gloria Macapagal-Arroyo.