Ginkumpirmar ni EOC Executive Director Em Ang nga may na detect na nga kaso sang Omicron variant sa Bacolod.
Apang fully-recovered na ang 38 anyos nga crew sang cruise ship nga karon isolated samtang naga hulat sang resulta sang iya liwat nga pagpaidalom sa rt-pcr test.
Disyembre 15 sang nag-abot sa Manila ang 38 anyos nga lalaki.
Disyembre 19 sang siya ang nagpaidalom sa RT-PCR test samtang yara sa hotel isolation.
Nag gwa ang resulta sang Disyembre 20 nga positibo siya sa Covid 19.
Makaligad ang isolation, nagpa Bacolod siya sang Disyembre 31 kag nagpaidalom sa hotel isolation.
Enero 1 sang natalupangdan sa resulta sang genome sequencing nga positibo sya sa omicron variant.
Ginklaro ni Ang nga indi na active case ang 38 anyos gani indi dapat magpanic ang publiko.
Nagapadayon ang hugot nga pagpatuman sang EOC sang minimum health protocol agud mapunggan ang paglapta sang virus ilabi na nga ginapaabot man sang Department of Health ang pagsaka sang Covid 19 cases makaligad ang bulan sang paskwa.
Nakahanda naman ang tanan nga mga isolation facility sang siudad.