36th Negros Trade Fair nagbukas na; “Buy local, Go Lokal” ginaduso matapos ang duha ka tuig, liwat nga nagbukas ang Negros Trade Fair sa Makati sang Martes. Kalakip diri ang panawagan: “Buy local, Go Lokal”.
Opisyal nga nagbukas sa Glorietta Activity Center ang 36th Negros Trade Fair paagi sa symbolic ringing of the bell ukon arima sa Hiligaynon nga gin pamunuan ni Negros Occidental Governor Eugenio Jose Lacson kag Vice Governor Jeffrey Ferrer kaupod ang iban pa gid nga mga opisyales sang probinsya kag mga dinapit nga bisita.
Miyerkules sang aga opisyal nga ginbuksan ang mga booth nga naga salida sang nagkalain lain nga mga produkto sang probinsya. Ang trade fair sang Association of Negros Producers nga may tema nga “Hidlaw” ang maga lawig tubtob sa Sabado.
Suno sa gobernador sang Biernes gin papanaog niya ang executive order nga naga adopt sang “Buy local, Go lokal” program sang Department of Trade and Industry sa paghaylo sang mga Negrense kag mga Pilipino sa pag kambyo sang ila nga buying patterns pabor sa mga locally manufactured goods.
Ginakilala ni Lacson ang nangin kontribusyon sang micro, small and medium enterprises sa local economy kag sa nation building, kalakip man diri ang pag igo sa ila sang pandemya.
Ginapasalamatan man sang gobernador ang ANP nga naga pamuno sang NTF nga sa karon gina kabig pinakama malawig nga tuigan nga provincial trade fair nga gina sakdag sa Manila.